Koalicioni “Nisma Shqipëria Bëhet” ka çelur zyrtarisht fushatën elektorale ditën e djeshme në qytetin e Vlorës.
Adriatik Lapaj, gjatë fjalës së tij ka prezantuar programin, duke thënë se do të rijetësojnë ekonominë. Lapaj tha se do të heqin DIVA-n nëse do të vijnë në pushtet dhe në Shqipëri do të ketë vetëm një taksë, atë të sheshtën 10%.
Ndërkohë, në një postim ditën e sotme, “Nisma Shqipëria Bëhet” ka falenderuar qindra qytetarë që dje ishin prezent në shesh, e mijëra të tjerë që treguan mbështetje online nëpermjet transmetimit live.
“Në Vlorën Historike, nisëm zyrtarisht fushatën elektorale!
Faleminderit nga zemra qindra qytetarëve që dje ishin prezent në sheshin që nuk zinte më, e mijëra të tjerëve që na na dhanë kurajo e mbështetje online nëpermjet transmetimit live.
Është koha e ndryshimit! Voto 6! VOTO NISMA SHQIPËRIA BËHET!”– shkruhet krahas postimit.
