Identifikohen dhe shpallen në kërkim autorët e plagosjes së një dite më parë në Vlorë, ku një 30 vjeçar u qëllua me armë zjarri. Policia e qytetit bregdetar thotë se po punon për kapjen e tre shtetasve, përkatësisht:
- Ç.,(T)., 34 vjeç, banues në Tiranë,
- GJ., 28 vjeç, banues në Radhimë,
- A., 25 vjeç, banues në Babicë e Madhe.
Ngjarja u shënua në lagjen “Pavarësia”, ku mbeti i plagosur me armë zjarri shtetasi Eraldo.L. (D). Policia ka arrestuar edhe 30 vjeçarin nga Llakatundi, pasi gjatë kontrollit të ushtruar në mjetin e tij “Range Rover”, u gjetën dhe u sekuestruan 200 fara bimore kanabisi.
Në cilësinë e provës materiale janë sekuestruar, një gëzhojë arme zjarri, 200 fara bime narkotike kanabisi dhe 2 automjete tip ”Porsche” e ”Range Rover”.
Vijon puna për zbardhjen e plotë të rrethanave të kësaj ngjarje.
Materialet hetimore iu referuan Prokurorisë së Rrethit Gjyqësor Vlorë, për veprat penale “Plagosje e rëndë me dashje, kryer në bashkëpunim” dhe “Mbajtja pa leje dhe prodhimi i armëve shpërthyese dhe i municionit” për tre autorët dhe “Prodhim,shitja e narkotikëve”, për shtetasin Eraldo.L.(D).
