Një emër i njohur i futbollit shqiptar, Luftëtari i Gjirokastrës, ka siguruar ngjitjen në Kategorinë e Parë duke lënë kështu Kategorinë e Dytë pas një sezoni ku ka qenë një betejë dhe rivalitet i fortë me Orikun në grupin B.
Edhe pse me pikë të barabarta me ekipin e qarkut të Vlorës, megjithatë, bluzinjtë e Gjirokastrës kanë në golaverazh më të mirë se rivali i tyre direkt. Oriku kështu që do të duhet të provojë mes playoff-it ngjitjen që do të jetë një rrugë e gjatë sigurisht.
Në fakt, edhe java e fundit pati goleada teksa u shënuan 20 gola në 3 ndeshjet që u zhvilluan ditën e sotme. Luftëtari mundi Shkumbinin 6-1 kurse Oriku fitoi në fushën e Memaliaj me rezultatin 0-7 por nuk i mjaftoi kjo. Edhe skuadra e Tomorit fitoi ne Maliq me rezultatin 5-1.
Sakaq, në Grupin A, i cili ka dhe 1 javë deri në fund, u zhvilluan 3 ndeshje, teksa Beselidhja fitoi 2-0 ndaj Gramshit, kurse Veleciku mposhti Albanët 3-1 dhe Tërbuni mori 3 pike ndaj Murlanit.
Por, lufta per kreun mes Ilirise dhe Luzit 2008 do të vendoset ditën e dielë, duke qenë se Iliria që kryeson do të luajë ndaj Adriatikut kurse Luzi ndaj Naftetarit.
