Një 80-vjeçare në Vlorë, e cila jeton e vetme denoncon nipin e saj se i ka vjedhur paratë e pensionit. E moshuara, prej ditësh është endur drejt dyerve të komisariatit të Vlorës, duke kërkuar kthimin e parave, pasi nuk ka me se ushqehet.
Sikur të mos i mjaftonte jetesa e vetme dhe pa mbështetje, e moshuara vidhet nga nipi i saj. Kjo është historia e trishtë e 80-vjeçares Hafize Bakiaj, e cila që prej tre ditësh thotë se ushqehet vetëm me bukë thatë, pasi nipi i ka vjedhur pensionin, celularin dhe 5 pula.
E moshuara është shprehur se i ka kërkuar nipit që t’i kthejnë të paktën lekët e pensionit, por nga ana e tij ka marrë vetëm kërcënime. Mësohet sakaq se policia e Vlorës ka shoqëruar nipin e të moshuarës, i cili ka mohuar një gjë të tillë, por blutë po hetojnë më tej. 80-vjeçarja ka një djalë edhe një vajzë, por që edhe ata nuk i kanë ardhur në ndihmë të moshuarës, kjo edhe nga pamundësia ekonomike me të cilën vetë ata përballen. /BalkanWeb/
