Policia zbuloi së fundmi 40 kilogramë marijuanë në një shtëpi në Geleen të Holandës.
Mediat e huaja raportojnë se policia ka marrë një informatë anonime. Më pas një oficer policie ka shkuar në vendngjarje dhe ka trokitur në derë. Ai vuri re se njerëzit në shtëpi po silleshin në mënyrë të dyshimtë dhe kërkoi përforcime.
Kur mbërriti policia, dy persona u larguan nga pjesa e pasme e shtëpisë.
Një 28-vjeçar shqiptar është arrestuar, ndërsa i dyti arriti të arratisej. Gjatë kontrollit të ushtruar në banesë, efektivët kanë gjetur drogën.
