Arda Guler është i lumtur te Real Madrid, por ka një problem tipik që ndodh në klubet e mëdha: ai ka nevojë për minuta.
20-vjeçari ka luajtur në 31 ndeshje këtë sezon, por jo mjaftueshëm në aspektin e minutazhit. Turku numëron vetëm 1150 minuta. Deri tani, ai ka 3 gola dhe 6 asiste me “Los Blancos”.
Milani dhe Interi kanë shfaqur interes të madh për mesfushorin ofensiv, por planet e tij janë të tjera. Guler duket se po joshet nga ideja për të luajtur në Premier League ose Bundesliga.
Në ishull e kërkojnë tri klube, Aston Villa, West Ham United dhe Newcastle United. Në Gjermani, ndërkohë, ai gëzon interesin e klubeve si Bayern, Bayer Leverkusen, Leipzig dhe Borussia Dortmund.
Sa kushton sot turku? Rreth 50 mln euro! Sigurisht, pak për një lojtar kaq premtues dhe spektakolar.
