Problemet e mëdha të shkaktuara nga administrata Trump për të tërhequr SHBA- në nga OBSH, ka ndikuar shumë në mënyrë negative tek organizata e parë botërore për kujdesin shëndetësor global.
OBSH po propozon të zvogëlojë stafin dhe fushëveprimin e punës pasi buxheti i saj është reduktuar në më shumë se 1/5.
Presidenti i SHBA-së, Donald Trump, e arsyetoi vendimin e tij duke thënë se kjo organizatë keq menaxhoi pandeminë COVID-19 dhe krizat e tjera ndërkombëtare shëndetësore.
SHBA është deri tani financuesja më e madhe e OBSH-së, duke kontribuar rreth 18% të financimit të saj total.
“Njoftimi i SHBA-së i kombinuar me reduktimet e fundit të ndihmës zyrtare për zhvillim nga disa vende për të financuar rritjen e shpenzimeve të mbrojtjes e kanë bërë pozicionin tonë shumë më të vështirë”, thuhet memorandumin e OBSH-së, të nënshkruar ditë e djeshme.
Përballë një boshllëku të ardhurash prej afro 600 milionë dollarë këtë vit, OBSH propozoi shkurtimin e buxhetit të saj për 2026-2027 me 21%, nga 5.3 miliardë dollarë në 4.2 miliardë dollarë.
Në shkurt, bordi ekzekutiv i OBSH-së uli buxhetin e propozuar për 2026-2027 nga 5.3 miliardë dollarë në 4.9 miliardë dollarë.
