Komisioni Qendror i Zgjedhjeve është duke punuar për përgatitjen e dokumentacionit zgjedhor që do dërgohet në adresën e deklaruar nga votuesit nga diaspora në PER.
Mësohet se zarfi me dokumentacionin zgjedhor do t’ju dorëzohet nga korrieri i operatorit postar. Kompania postare e cila do të kryejë dhe dërgimin e votës së diasporës do të zgjidhet sot pas orës 15:00 kur mbyllet procedura e prokurimit.
Nëse korrieri nuk e gjen në adresën e deklaruar nga votuesi në PER, ai do të bëjë deri në 3 tentativa për të dorëzuar dokumentacionin zgjedhor.
Dokumentacioni zgjedhor do merret në dorëzim personalisht nga secili zgjedhës, pasi të ketë treguar tek korrieri një mjet identifikimi të votuesit dhe të kenë firmosur për marrjen e tij.
Për datën e nisjes së dërgimit të zarfave me dokumentacionin zgjedhor do të ketë njoftim publik (pritet të nisin shpërndarjen në 8-10 prill).
Për mënyrën se si duhet të plotësojnë korrekt fletën e votimit dhe dërgojnë mbrapsht atë do të udhëzohen nëpërmjet udhëzuesit që do t’ju shkojë bashkë me zarfin me fletën e votimit.
Posta e kthimit për në KQZ është e paguar. Zarfin i kthimit mbrapsht do t’ju shkojë gjithashtu bashkë me zarfin me fletën e votimit.
