Tirana dhe Bylis barazuan 2-2, në ndeshjen javës së 31-të të Superiores të luajtur në “Arena Kombëtare”.
Ballshiotët realizuan të parët me Arli Pergjoni në minutën e 26-të, ndërsa brenda pjesës së parë, barazoi shifrat Florjan Përgjoni.
Në minutën e 70-të, mysafirët u tërhoqën nga loja. Shkak për këtë vendim u bë akordimi i një penalltie në favor të bardhebluve.
Gjyqtari Koçi jep fillimisht karton të verdhë për Përgjonin pas një rrëzimi në zonë. Por më pas ai ftohet të shohë pamjet në VAR dhe shquan një mbajtje ndaj lojtarit të Tiranës duke akorduar 11-metërsh.
Këtu ballshiotët kontestuan vendimin e trupës së gjyqtarëve, ndërsa për rreth 5 minuta futbollistët qëndruan jashtë vijës anësore.
Gjithsesi, pas disa minutash ndeshja rifilloi normalisht, me ekipin e Shkëmbit që kaloi në epërsi, pas ekzekutimit të saktë të 11-metërshit nga Jarmouni. Gëzimi zgjati pak, pasi Ilieski ndëshkoi kryeqytetasit në minutën e 83-të me ndeshjen e cila në fund u mbyll 2-2.
Pas këtij rezultati, Tirana është në vendin e tetë, ndërsa Bylis në të shtatin.
