Futbollisti i Shkupit, Andrej Lazarov ndodhej në diskotekën që mori flakë në Koçan.
Ai ka arritur të dalë dhe ndodhet në spitalin e Shtipit sipas raportimeve jashtë rrezikut për jetën.
Lazarov ka lindur pikërisht në Koçan, është 25 vjeç dhe është ish-anëtar i përfaqësueses U21 të Maqedonisë, për të cilën ka regjistruar një paraqitje.
Te Shkupi u bashkua në fillimin e këtij sezoni ndërsa deri tani ka luajtur 10 ndeshje.
Burime zyrtare nga autoritetet maqedonase bëjnë me dije që 51 të rinj humbën jetën dhe mbi 100 të tjerë u plagosën duke shënuar një nga tragjeditë më të mëdha në vend.
