Manchester Unitet dhe Arsenal kanë barazuar në rezultatin 1-1 në ndeshjen e vlefshme për javën e 29-t të Premier League.
Në fillim të ndeshjes Arsenali kishte një rast shumë të mirë me Mikel Merinon, i cili nuk arriti dot të gjuante në portë nga një pozicion ideal. Kur pritej që të mbyllej pjesa e parë në skenë doli Bruno Fernandes, i cili shënoi një supergol nga goditja e dënimit duke i çuar në avantazh vendasit.
Fraksionin e dytë të lojës, Arsenali e nisi më mirë, duke rrezikuar me Martin Odegard i cili gjuajti bukur, por Andre Onana bëri pritje edhe më të bukur. Man Utd ka mundur të shtojë epërsinë, por një gjuajtje të Noussair Mazraoui u prit nga David Raya. Rast të mirë kishte edhe Joshua Zikzee, por as ky nuk arriti të gjejë rrjetën.
Në minutën e 74-të, Arsenali arriti të barazojë shifrat me një gol të bukur të Declan Rice për 1-1.
Minutat e fundit ishin dramë e vërtet, me të dy skuadrat që tentuan të merrnin fitoren, por Gabirel Martinelli dy herë dështoi për Arsenalin, ndërsa Rasmus Hojlund dhe Burno Fernandez nuk ishin të saktë për M. United.
Pas këtij rezultati, Arsenali mbetet në vendin e dytë me 55 pikë, ndërsa Man Utd është në vendin e 14-të me 34 pikë. Ky barazim i ndihmon Liverpoolit që është në krye të Premier League me 70 pikë dhe po marshon drejt titullit të kamponit.
