Drejtori i përgjithshëm i shërbimit të Provës, Ermal Pacaj është liruar nga detyra. Vendimi është marrë është në mbledhjen e sotme të Këshillit të Ministrave.
Ermal Pacaj mbante kete post prej 14 marsit 2024. Ndërsa më parë ka qenë edhe Zëvendëskryetar i Bashkisë Lezhë prej 5-vitesh.
“Në mbështetje të nenit 100 të Kushtetutës dhe të pikës 2, të nenit 10, të ligjit nr.78/2020, “Për organizimin dhe funksionimin e Shërbimit të Provës”, të ndryshuar, me propozimin e ministrit të Drejtësisë, Këshilli i Ministrave vendosi: Z. Ermal Pacaj, drejtor i Përgjithshëm i Shërbimit të Provës, lirohet nga kjo detyrë. Ky vendim hyn në fuqi menjëherë dhe botohet në “Fletoren zyrtare”.”– thuhet në vendim.
Burime bëjnë me dije se Ermal Pacaj, pritet të jetë ne listën e kandidatëve për deputet.
