Kreu i grupit parlamentar demokrat, Edmond Spaho ngatërrohet në chat. Ndërsa mendonte që po fliste me aleatin e tij Petrit Vasili, Spaho ngatërrohet nga një mesazh i sekretares së Kuvendit që njoftonte mbledhjen e Konferencës së Kryetarëve.
Sekretarja e Kuvendit ka njoftuar anëtarët e Konferencës së Kryetarëve për mbledhjen e ardhshme që do të zhvillohej, ndërsa orari i vendosur nuk i ka shkuar për shtat kreut të grupit parlamentar të LSI-së, Petrit Vasili.
Vasili shprehte pakënaqësi në grup, ndërsa Spaho që mendonte se po fliste me të shkruan pikërisht në grup. Ka mjaftuar një koment i Braçes që të kuptojë lapsusin e bërë. Gazetarja Marsela Karapanço ka siguruar për “News24” tekstin e mesazheve.
Biseda e plote
Sekretarja e Kuvendit: …Do të zhvillohet mbledhja e Konferencës, për të diskutuar në lidhje me programin dhe kalendarin. Mbledhja zhvillohet në sallën “Pjetër Arbnori”, kati i IV te Krysia. Faleminderit për mirëkuptimin, Mira.
Petrit Vasili: Mira kjo është krejtësisht e papërshtatshme dhe e gabuar, pasi kemi mbledhje të komisionit të planifikuara me kohë dhe të vendosura në kalendarin e punës, i cili është publikuar. Vendosja e një orari të tillë bëhet enkas për të na e bërë të pamundur pjesëmarrjen.
Edmond Spaho: Ne mesa shoh nuk do marrim pjesë. Do i dërgoj Lulit edhe një mesazh tjetër.
Erjon Braçe: Më fal po cpunë kemi ne me Lulin mo vlla? Ai mund të mos jetë zgjuar akoma.
