Partia Demokratike ka publikuar rezultatin e procesit të Primareve për Qarkun e Tiranës, e cila do të ketë një peshë të rëndësishme në zgjedhjet e kandidatëve për deputet për zgjedhjet e 11 Majit, pasi listën përfundimtare do ta miratojë Kryesia.
Më i votuari në Qarkun e Tiranës rezulton kryetari i degës së Kavajës, Hysen Kadiu me 913 vota, i ndjekur nga Klevis Balliu me 737 vota.
I treti rendit Grigels Muçollari me 666 vota, teksa pas tij renditet Jorida Tabaku me 651 vota dhe më pas mjeku Ilir Alimehmeti me 603 vota.
Kandidatë të tjerë që kanë marrë rezultat të mirë në Tiranë janë dhe Arjan Hoxha me 521 vota, Ervin Minarolli me 508 vota, Arsen Valisi me 439 vota, Andi Mustafaj me 414 vota, Myslim Murrizi me 403 vota, Mimoza Hajdarmataj me 400 vota, Ilda Zhulali me 357 vota, Dhurata Çupi me 354 vota apo Arnold Karriqi me 350 vota.
Komisioni i Organizimit dhe Kontrollit të Operacioneve Elektorale në PD (KOKOE) bën me dije se rezultati përfshin vetëm 19 nga 21 Qendra Votimi në total, pasi procesi i votimit në Vorë dhe në Paskuqan është konsideruar i parregullt.
Kandidatët që kanë marrë më pak se 144 vota përjashtohen atuomatikisht nga kandidimi për deputet më 11 Maj.
