Një nënë e dy fëmijëve, ka rrëfyer se ka zgjedhur të lidhet vetën me burra të martuar, jo për t’i shkatërruar martesat, por për shkak se ajo beson se asnjë mashkulli nuk mund t’i besohet.
Jenny Hendle, 36 vjeçe, nga Tunbridge Wells, Kent në Britani të Madhe, është divorcuar dy herë dhe deri tani ka dalë me nëntë burra të martuar, teksa thekson se nuk ndjen faj se del me burrat e grave të tjera.
“Besoj se nuk ka burra besnikë dhe të ndershëm, ata nuk ekzistojnë. Nuk më intereson të dal me meshkuj beqarë, të cilët pasi më premtojnë botën më tradhëtojnë. Kurse një burrë i martuar nuk ka asnjë pretendim për të premtuar gjëra që si mban dot. Di që burri i martuar në fund të ditës do të shkojë në shtëpi tek familja e tij. Marrëdhëniet e mia me burrat e martuar nuk komplikohen. Kjo është mënyra ajo më pëlqen”, tha ajo.
Dikur edhe Jenny besonte në dashurinë dhe përkushtimin e vërtetë, megjithatë me kalimin e viteve ajo kuptoi se kjo “ishte e gjitha një fantazi”.
Ajo tha: “Kur isha më e re kam parë se si babai im vazhdimisht tradhëtonte mamin. Asaj iu copëtua zemra”. “Jam rritur duke pranuar se kjo është mënyra se si sillen meshkujt”, shton ajo.
Jenny e pati romancën e saj të parë serioze në moshën 15-vjeçare, por djali 21-vjeçar, një atlet profesionist e tradhëtoi.
“Unë u shkatërrova dhe nuk mund ta besoja se e njëjta gjë si mamit më ndodhi edhe mua. Përvoja ime e hershme me meshkujt më bëri të kujdesshme”, shton Jenny.
Në moshën 17-vjeçare, Jenny takoi një 36-vjeçar, i cili do të bëhej bashkëshorti i saj i parë. Por ata u divorcuan në vitin 2001. Jenny lindi vajzën e saj të parë, e cila është tani 15 vjeçe.
“Pas divorcit time të parë isha shumë e trishtuar…”, tha ajo.
Në vitin 2003 u dashurua me drejtorin 38-vjeçar të kompanisë ku punonte dhe kujton: “Këtë herë mendova se ishte ndryshe”.
Çifti qëndroi bashkë për pesë vjet, gjatë kësaj kohe Jenny lindi vajzën e saj të dytë, e cila është tani 12 vjeçe. Ata u martuan në vitin 2008, por pavarësisht se burri i saj qëndroi besnik, për fat të keq lidhja nuk funksionoi dhe ata u divorcuan tre vjet më vonë.
Pas divorcit të saj të dytë dhe rrëfimeve të miqve që ishin tradhëtuar nga partnerët, Jenny mori vendimin për të mos patur kurrë asgjë serioze me meshkujt.
Dhe nuk ndihet fajtore sepse siç shprehet: “Për të kërcyer tango duhen dy persona!”.
Burimi: DailyMail
