Kreu i Partisë Demokratike, Lulzim Basha, ka ironizuar kryeministrin Rama lidhur me ekonominë shqiptare duke sjellë shembuj me shifra për papunësinë dhe nivelin ekonomik.
“Vetëm Rama mund të flasë për suksese ekonomike në këtë kohë”, thotë Basha në një postim në rrjetin e tij, Facebook. Më tej ai akuzoi Ramës se vodhi 400 milion dollarë taksa dhe aksiza në 2015-tën. Këtë status ai e lidhi duke sjellë edhe njëherë programin e Partisë Demokratike për taksat e ulta dhe punësimin dhe lirinë ekonomike.
Statusi i Lulzim Bashës:
“Vetëm Borati do të kishte kurajon të fliste për suksese të ekonomisë shqiptare. Por ja që kemi liderin global që e quan sukses faktin se sipas Bankës Botërore, 46.2% e familjeve shqiptare jetojnë me 5 dollarë në ditë, pra janë të varfra. Se konsumi ra 2.3% gjatë vitit 2015 dhe po kështu fuqia blerëse e shqiptarëve. Se papunësia u rrit edhe në tremujorin e fundit. Se në 2015 eksportet ranë 4.9%, importet ranë 1.4%. Se kreditimi në dhjetor 2015 ra 2.3%. Se qeveria nuk mblodhi por vodhi 400 milionë dollarë taksa dhe aksiza në vitin 2015. Se e rriti borxhin në 72.2% për palma, fasada dhe Jaguarë.
Kjo është kriza e ekonomisë shqiptare dhe e cdo familje të vendit. Por Borati jeton në sukseset e tij personale që janë qindra milionë euro për vete, që janë vilat, luksi e parajsat fiskale.
Nuk ka përmirësim por vetëm përkeqësim me këtë qeveri. Dalja nga kriza dhe një ekonomi e fortë që prodhon, punëson dhe pasuron shqiptarët vjen përmes programit të PD: Taksa të ulëta, liri ekonomike dhe luftë krimit e korrupsionit qeverita”r.
