Arda Guler po konsiderohet si opsioni B i Bayern për merkaton e verës, duke qenë se transferimi i gjermanit Florian Wirtz është shumë i kushtueshëm.
Mesfushori i talentuar turk shihet si pjesa e duhur për të formuar një sulm të fuqishëm me Harry Kane, Jamal Musiala dhe Michael Olise.
Carlo Ancelotti nuk po i jep minuta dhe kjo mund të ndikojë që Arda Guler të joshet nga Bayern. Ai deri tani ka 3 gola dhe 5 asiste me fanellën e Los Blancos.
Bayern planifikon ta përdorë Gulerin në një formacion 4-2-3-1 në rolin e trekuartistit, me Musialën që spostohet në të majtë të sulmit. Do të ishte një mundësi e mirë për turkun. Real Madrid mësohet se kërkon 50 mln euro për ta shitur, me kusht që të ketë 20% të fitimit në rast të rishitjeje.
