Real Madrid fitoi 2-0 ndaj Girona-s, duke mos iu shkëputur Barcelonës në kreun e tabelës. Golat për madrilenët u shënuan nga Luka Modric dhe Vinicius Junior. Në një intervistë për Marca, Carlo Ancelotti u shpreh i lumtur me perfomancën e ekipit të tij.
Ndër të tjera, tekniku italian i dha disa lëvdata të veçanta Luka Modric, kroati shënopi një gol spektakolar nga distanca duke na kujtuar që ende nuk e ka “mbyllur” me futbollin, pavarësisht moshës së tij.
“I kam thënë të gjitha fjalët për Modric. Nuk kam asgjë të re për të shtuar për të. Ai është gjithmonë spektakolar, është një dhuratë për futbollin. Modric duhet të luajë për aq gjatë sa ai dëshiron. Ne kemi qenë me fat që kemi shijuar epokën e tij”, tha Ancelotti.
Ky mund të jetë sezoni i fundit për Luka Modric me fanellën e Real-it, kroati ka deklaruar që do të vendosë për të ardhmen në fund të sezonit aktual.
Duke parë moshën e tij, me shumë mundësi Modric do e mbyllë në qershor “epokën” me fanellën e Real Madrid-it, MLS-ja shihet si destinacioni i tij i ri.
