Hamasi ka dënuar vendimin e qeverisë së Izraelit për të shtyrë lirimin e të burgosurve palestinezë.
Zyra e Kryeministrit Netanyahu lëshoi një deklaratë në orët e para të mëngjesit të së dielës duke sqaruar se dorëzimi i të burgosurve palestinezë do të bëhet kur të sigurohet lirimi i pengjeve të radhës dhe pa ceremoni poshtëruese.
Por grupi militant e ka cilësuar një pretekst këtë pretendim të Tel Avivit duke theksuar se kjo është një shmangie e detyrimeve të marrëveshjes së armëpushimit.
Ezzat El Rashq, një anëtar i byrosë politike të Hamasit sqaroi se ceremonitë e dorëzimit të pengjeve izraelitë nuk janë një fyerje ndaj pengjeve, “por pasqyrojnë trajtimin njerëzor dhe dinjitoz të tyre”, duke shtuar se “fyerja e vërtetë” është ajo që iu bëhet të burgosurve palestinezë gjatë procesit të lirimit.
Zyrtari i grupit militant palestinez përmendi lidhjen e duarve dhe të syve të të burgosurve palestinezë.
Nga ana tjetër Hamasi ka detyruar pengjet të dalin në podium para turmave dhe ndonjëherë të flasin para se të dorëzohen tek Kryqi i Kuq.
Të shtunën u liruan 6 robërit e fundit, ndërsa trupat e katër pengjeve të vdekur do të dorëzoheshin javën e ardhshme
