Kreu i partisë “Shqipëria Bëhet”, Adriatik Lapaj zhvilloi ditën e djeshme një takim me shqiptarët në Bolonja të Italisë.
Gjatë fjalës me shqiptarët e diasporës, Lapaj tha se vota e emigrantëve do të sjellë ndryshimin e madh në Shqipëri.
Sipas Lapajt, shqiptarët po kërcënohen nga pushteti me bukën e gojës.
“Vota e diasporës do ta ndryshojë përfundimisht sistemin në Shqipëri. E vetmja gjë që e ndryshon këtë shtet është ligji demokratik që do ta sjellim ne, duhet rregulluar gjithçka nga shëndetësia në arsimi. Ajo që do të bëj unë si Adriatik duhet të kthehem në instrument në dorën tuaj, unë nuk do të ndalem deri sa të bëhen këto ndryshime ligjore për ta bërë Shqipërinë vend të denjë. Sistemi është i kapur në cdo drejtim dhe duhet çarë, ne duhet të krijojmë një formulë prandaj ne propozuam ndryshime të mëdha: Vota e diasporës e cila nuk shitet kollaj. Nuk u kërcënojnë dot se do tu mbyllin biznesin. Me të afërmit tuaj në Shqipëri po i kërcënojnë me bukën e gojës që diaspora duhet të votojë për PS. S’duhet të hapet sistemi zgjedhor për të bërë lista të hapura, të mos cojë në parlament kryetari por qytetari dhe ndryshimet për ligji për referendumet”, tha Lapaj.
