Sekretari amerikan i Thesarit Scott Bessent do të udhëtojë në Ukrainë këtë javë për të diskutuar një marrëveshje të mundshme në lidhje me mineralet e rralla të tokës, sipas një burimi për mediat amerikane.
Bessent do të jetë zyrtari i parë i nivelit të kabinetit në administratën e Presidentit të SHBA Donald Trump që viziton Ukrainën.
Presidenti ukrainas Volodymyr Zelenskiy dhe Trump kanë shprehur interes për një pakt, që do t’i jepte Shteteve të Bashkuara akses në burimet e tokës të rralla të Ukrainës në këmbim, të mbështetjes së vazhdueshme për të shmangur pushtimin rus.
Tokat e rralla janë një grup metalesh që përdoren për të bërë magnet që e kthejnë energjinë në lëvizje për automjetet elektrike, telefonat celularë sistemet e raketave dhe pajisje të tjera elektronike. Nuk ka zëvendësues të mundshëm dhe kërkesa pritet gjerësisht të rritet.
Një numër zyrtarësh të tjerë amerikanë po udhëtojnë në Evropë këtë javë, pjesërisht për të diskutuar edhe luftën mes Ukrainës me Rusisë.
Gjithashtu këtë javë administrata e Trump planifikon të shtyjë aleatët evropianë që të blejnë më shumë armë amerikane për Ukrainën, përpara bisedimeve të mundshme të paqes me Moskën.
