Gjykata e Posaçme e Shkallës së Parë për Korrupsionin dhe Krimin e Organizuar, përveç se ka vendosur “arrest me burg” për kryetarin e Bashkisë së Tiranës Erion Veliaj, ka dhënë masa edhe për bashkëpunëtorë të tij.
GJKKO mësohet se ka dhënë “detyrim paraqitje” për biznesmenët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha.
Dyshohet se biznesmenët kanë marrë tendera të dyshimtë pranë Bashkisë së Tiranës.
Agjentët e BKH-së u paraqitën sot në mesditë rreth orës 14:00 në ambientet e zyrave të bashkisë së Tiranës për t’i komunikuar kryetarit të bashkisë vendimin e GJKKO-së për masën e sigurisë ‘arrest me burg’. Më pas, Veliaj u shoqërua drejt bllokut të sigurisë, në rrugën Mine Peza” në Tiranë.
Veliaj akuzohet nga Prokuroria e Posaçme për veprat penale: “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale”, dhe “Refuzim për deklarim, mosdeklarim, fshehje ose deklarim të rremë të pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”.
Ndërkohë, masa e sigurisë “Arrest në shtëpi” mësohet se është për bashkëshorten e Veliajt, Ajola Xoxën.
Masa e sigurisë për bashkëshorten e Veliajt, Ajola Xoxa nuk është ekzekutuar ende pasi ndodhet për kurim jashtë Shqipërisë.
PAMJE nga shoqërimi i Veliajt:
