Një aksident është shënuar pasditen e sotme në Gjirokastër, ku ambulanca është përplasur me një automjet tjetër. Ngjarja mësohet se është shënuar në bulevardin “18 shtatori”.
Si pasojë është dëmtuar pacientja që ndodhej në autoambulancë, e cila ndodhet në spital në kujdesin e mjekëve.
“Rreth orës 16:55, në bulevardin “18 shtatori”, automjeti (autoambulancë) me drejtues shtetasin R. T., ka goditur automjetin me drejtues shtetasin A. Sh.
Si pasojë është dëmtuar pacientia që ndodhej në autoambulancë shtetasja V. K., e cila ndodhet në spital në kujdesin e mjekëve.”– njofton policia.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
