Ndeshja me Tiranën mund të cilësohet tepër e rëndësishme për Elbasanin sa i përket objektivave. Deri para dy takimesh verdheblutë ishin në garë për një vend në “Final 4”, por dy humbjet radhazi kanë bërë që të veniten këto shpresa.
Nga ana tjetër, kanë filluar të ndiejnë edhe rrezikun nga poshtë, sepse janë vetëm pesë pikë nga zona “play out”. Për këtë arsye, ndeshja me bardheblutë është e një rëndësie të veçantë, për të ndarë përfundimisht se për çfarë objektivash do të luftojnë verdheblutë.
Në rast të një fitoreje do të mbanin gjallë shpresat për katërshen, ndërsa në rast të një humbjeje apo barazimi, futen seriozisht në “vallen” e mbijetesës.
