Trajneri i Manchester City-t Pep Guardiola, e ka përshkruar situatën e skuadrës së tij në Ligën e Kampioneve si “jo problem”, por “një mundësi”, pasi ata do të kërkojnë të shmangin daljen nga gara në fazën e grupeve.
Kampionët e sezonit 2022-2023 renditen në vendin e 25-të në fazën e ligës me 36 skuadra, dy pikë nga pozicionet që kualifikohen në “play off”-et e fazës eliminatore.
Ata duhet të mundin klubin belg të Clubb Brugge në “Etihad Stadium” sot për të shmangur eliminimin që në këtë fazë. “Situata që kemi është se duhet ta fitojmë ndeshjen dhe nëse jo nuk do të vazhdojmë në këtë garë”.
“Ne duam të kemi një mundësi tjetër për të luajtur dy ndeshje të tjera, për të pasur mundësinë e kualifikimit në fazat e ardhshme. Nuk është një problem, është një mundësi”, shtoi katalanasi. Mançester Siti ka marrë një lajm të mirë nga infermieria përpara ndeshjes, me trajnerin që konfirmoi se Oskar Bob do të jetë i disponueshëm për t’u grumbulluar. Mesfushori ka munguar për pesë muaj pas një frakture në këmbë verën e kaluar. Siti arriti në çerekfinalet e Champions-it sezonin e kaluar dhe Guardiola, i cili e ka fituar Ligën e Kampioneve tri herë si trajner, po e trajton sfidën si një ndeshje me eliminim direkt.
Ai shtoi: “Këto lloj ndeshjesh i kam luajtur shumë herë. Herët a vonë duhet t’i luani ato ku nëse fitoni kaloni dhe nëse jo, eliminoheni. Ne jemi këtu për arsyet që i dimë, se nuk kemi qenë mjaftueshëm të mirë dhe kjo është një situatë që e kemi jetuar shumë herë”. – tha Guardiola në konferencën për shtyp.
