Pas largimit nga Rapid Bukureshti në Rumani, Florent Hasani nuk ka vonuar shumë dhe ka gjetur skuadrën ku do të vazhdojë karrierën.
Ndonëse përflitej për interesim rreth tij nga klubet e Superiores, ish-sulmuesi i Tiranës nuk ka ndër mend për momentin të kthehet në kampionatin tonë.
CNN Turk raporton se Hasani ka gjetur akordin me klubin e Superligës turke, Alanyaspor, dhe do t’i bashkohet si lojtar i lirë gjatë merkatos së janarit.
Raportohet se pritet që shumë shpejt të zyrtarizohet marrëveshja e cila e lidh Hasanin për një vit e gjysmë me klubin turk, pjesë e të cilit janë edhe dy lojtarë të tjerë të përfaqësueses së Kosovës, Florent Hadërgjonaj dhe Fidan Aliti.
