Jo vetëm skuadrat e Superiores, ditën e sotme do të zbresin në fushë edhe ato të Kategorisë së Parë. Sot do të luhen dy sfida të vlefshme për javën e 20-të të kësaj kategorie.
Kryesfida është ajo mes Vorës dhe Besës së Kavajës. Një ndeshje direkte për ngjitjen në Superiore. Kujtojmë se Vora mban vendin e parë me 47 pikë, ndërsa Besa me 39 renditet e 3-ta.
Në krahun tjetër, sfidë interesante është edhe ajo mes Flamurtarit dhe Kastriotit. Vlonjatët kërkojnë 3 pikët për të qëndruar pranë Vorës në krye, ndërsa Kastrioti dëshiron të “blindojë” vendin e katërt.
