Një 45-vjeçar nga Sardenja dhe me banim në Arezzo është autori i dyshuar për vrasjen e një 22-vjeçar në një provinc të Sienas.
Krimi i ndodhur mbrëm rreth orës 10, gjatë zhvillimit të ndeshjes finale për kupën e Italisë. Bariu ka hyrë në banesën e djalit dhe e ka goditur atë në qafë.
Ai vdiq pak çaste më pas.
Pas vrasjes, bariu sard (banor në Cortona, provinca e Arezzos) u largua në këmbë, por rreth një kilometër larg vendit të krimit ra në një gropë ku theu këmbën.
Vazhdoi përpjekjet për t’u larguar, por u vu re nga karabinierët, të cilët e arrestuan dhe e dërguan në spital për mjekim, në pritje të masës së arrestit që do t’i komunikohet nesër.
Karabinierët kanë gjetur armën e krimit, ndërkohë që ende nuk dihet motivi i vrasjes, ndonëse duket si një larje hesapesh.
