Një efektiv Policie në Gramsh është pezulluar nga detyra me vendim të Gjykatës së Elbasanit, pasi akuzohet se i ka vjedhur sendet personale një të arrestuarit.
Më konkretisht bëhet fjalë për nënkomisarin G. C., 31 vjeç, me detyrë Specialist në Seksionin për Hetimin e Krimeve në Volum, në Komisariatin e Policisë Gramsh.
Ai është i dyshuar për veprën penale “Vjedhja e kryer duke shpërdoruar detyrën”. Gjykata ka vendosur ndaj tij dhe masën e sigurisë “Ndalimi i daljes jashtë shtetit”.
Agjencia e Mbikëqyrjes Policore raporton se nga hetimet e kryera janë grumbulluar fakte dhe prova që krijojnë dyshimin se efektivi 31-vjeçar, duke shpërdoruar detyrën, ka vjedhur sendet personale të një shtetasi të ndaluar/arrestuar.
