Deputeti i PD-së Dashnor Sula dhe ish-ligjvënësi i kësaj force politike Arbi Agalliu kanë debatuar ashpër me njëri-tjetrin në lidhje me aksionin opozitar.
Sula u shpreh se anëtarët e larguar të Partia Demokratike do të riktheheshin “me vrap” nëse do t’u ofroheshin vende të sigurta në listat zgjedhor
“Të garantoj se po të thuash që kanë vende të sigurta në listë, do vijnë me vrap. Por është turp.” , tha Sula.
Ai nënvizoi përvojën e tij 20-vjeçare në PD, duke sugjeruar se asnjë anëtar nuk duhet të falet për kritika ndaj partisë.
Ndërsa Agalliu, nga ana tjetër, shprehu kritikën e tij për kultivimin e një atmosfere që pengon mendimin ndryshe.
“Kjo është si ajo batuta, rroftë uniteti brenda partisë që bëhej në kohën e xhaxhit. Këta nuk të lënë të mendosh ndryshe jashtë partisë, jo më brenda saj,” tha ai.
Sula i kundërshtoi këto pikëpamje, duke thënë se nuk mund të largohesh nga partia për shkak të mos pëlqimit për një lider.
“Nuk logjikohet në këtë mënyrë, nuk më pëlqen mua Sali Berisha dhe ik ti se nuk të dua. Nuk është kjo logjika.”, deklaroi Sula.
