Grenlanda dëshiron bashkëpunim me SHBA- në me synimin për të siguruar mbrojtjen dhe zhvillimin e minierave , kështu deklaroi sot, kryeministri i ishullit gjysëm autonom të Arktikut, Mute Egende.
Duke folur në një konferencë për shtyp, Egende tha se qeveria e tij po kërkon mënyra për të punuar me Shtetet e Bashkuara, duke shtuar se është gati për dialog me administratën e ardhshme të Presidentit të zgjedhur Donald Trump .
I pyetur për mundësinë e zgjerimit të aktiviteteve ushtarake të SHBA në ishull, Egende vuri në dukje se ” pavarësia e Grenlandës është një çështje e Grenlandës .”
“Në lidhje me përdorimin e tokës, është gjithashtu Grenlanda ajo që do të vendosë se çfarë marrëveshje duhet të arrijmë.” shtoi Egende.
“Kjo është hera e parë që Grenlanda dëgjohet kaq fort. Duhet të jemi të ftohtë, të përfitojmë nga situatat dhe të qëndrojmë të bashkuar.” përfundoi ai. /Reuters/
