Plator Nesturi është emëruar si prefekt i Qarkut të Vlorës.
Vendimi është marrë në mbledhjen e sotme të Këshillit të Ministrave. Nesturi do të pasojë Vangjel Tavon, i cili është tashmë kryetari i bashkisë së Himarës.
Plator Nesturi ka shërbyer më parë si ambasador i Shqipërisë në Spanjë.
“VENDIM PËR EMËRIMIN NË DETYRË TË PREFEKTIT TË QARKUT TË VLORËS
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, të ndryshuar, me propozimin e ministrit të Brendshëm, Këshilli i Ministrave
VENDOSI: Plator Nesturi emërohet prefekt i Qarkut të Vlorës. Ky vendim hyn në fuqi menjëherë dhe botohet në “Fletoren zyrtare”.
KRYEMINISTRI EDI RAMA”, thuhet ne vendimin e qeverise.
