Policia e Kurbinit ka zbardhur djegien e qëllimshme të një mobilerie në fshatin Gjorm të Kurbinit më 31 Dhjetor, në pronësi të shtetasit A. Sh., 52 vjeç.
Si rezultat është arrestuar autori i cili dyshohet se i ka vënë zjarrin. Në pranga është vënë shtetasi Rogest Mera, 36 vjeç, banues në fshatin Gjormë. Ky i fundit ishte dënuar më parë për dhunë në familje.
Ndërkohë uniformat blu kanë sekuestruar pjesë veshjesh të djegura, që dyshohet se i ka mbajtur autori, gjatë ngjarjes, si dhe celulari i tij. Siç duket edhe në videon e Policisë autori ka pësuar djegie në trup, teksa ka tentuar t’i vendosë flakën mobilierisë.
Nga djegia e mobilierisë janë shkaktuar dëme të konsiderueshme materiale.
Materialet procedurale i kaluan Prokurorisë së Lezhës për veprime të mëtejshme, për veprën penale “Shkatërrimi i pronës me zjarr”.
