Futbollisti i Serisë A, Jakub Jankto, ka surprizuar ndjekësit e tij në Instagram mbrëmjen e vigjiljes së Krishtlindjes, duke postuar foton e tij të parë me të dashurin në rrjete sociale.
Më të dashuruar se kurrë çifti shfaqet duke u puthur poshtë pemës së Krishtlindjes.
Kujtojmë se një vit më parë futbollisti foli haptas për orientimin e tij seksual, ndërsa në këto Krishtlindje ai publikoi portretin e partnerit të tij.
Futbollisti publikoi aso kohe në llogarinë e tij në Instagram një shkrim ku shpjegonte preferencat e tij seksuale.
“Si të gjithë, unë kam pikat e mia të forta, kam dobësitë e mia, kam një familje, kam miqtë e mi, kam një punë ku jap më të mirën, prej vitesh me seriozitet, profesionalizëm dhe pasion. Si të gjithë edhe unë dua ta jetoj jetën time në liri. Pa frikë. Pa paragjykime. Pa dhunë. Por me dashuri. Unë jam homoseksual dhe nuk dua të fshihem më”, tha ai.
