Dinamo është rikthyer mes skuadrave pretendente, teksa aktualisht është në kren e klasifikimit. Optimizmi është i madh te dinamovitët, me tifozët që këtë sezon presin trofe.
Në një intervistë për Sport News në News 24, sulmuesi i Dinamos, Dejvi Bregu analizoi sezonin, ndërsa u ndal edhe te aspekti personal.
Bregu u shpreh se se skuadra ka mundësinë për të fituar titullin, sakaq theksoi faktin se trajneri Daja është “çelësi” i suksesit.
Rikthimi në Superligë- Kisha oferta nga jashtë. Mund të them se ky vendim erdhi për shkak se marrëdhënia ime me Presidentin Bardhi ka qenë e mirë që prej kohës që ka qenë bashkë-president në Durrës te Teuta. Gjatë gjithë këtyre viteve që kam qenë unë jashtë, ai është interesuar për mua me thën të drejtën dhe erdhi ky bashkëpunim.
A është titulli një objektiv i Dinamos? Të gjithë e dijnë që kampione në fuqi është Egnatia. Të gjitha ekipet duan të zbresin Egnatian nga froni. Ne do shikojmë ndeshje pas ndeshje. I kemi të gjitha mundësitë. Shpresojmë që t’ia dalim në fund.
Dinamo kampion dimri – Personalisht e prisja, gjithë grupi e priste, gjithë stafi e priste. Kemi ekip cilësor, të ndërthurur me lojtarë me eksperiencë dhe talente. Nuk na mungon asgjë, kualitet kemi, besoj se mund t’ia dalim.
Rivalët për titull – Nuk dua të ndaj dikë. Të gjitha ekipet janë të forta.Besoj do rivalizojnë me ne. Mendoj se është një katërshe mes nesh, Partizanit, Vllaznisë dhe Egnatias. As Elbasanin dhe as Teutën nuk i heq nga gara. Gara është e gjatë.
Efekti “Daja” te Dinamo – Unë kam punuar që në kohën e Skënderbeut, kam ruajtur raporte korrekte me të. E di mënyrën e tij të punës. Për sukseset e tij nuk është nevoja të flitet. Mentaliteti i tij fitues e bën të veccantë.
Objektivat personale të Bregut te Dinamo – Golat e mi ose asistët e mi shpresoj që të përkthehen në pikë. Nëse arrihet kjo gjë, synimi im mund të konsiderohet i realizuar.
E ardhmja – Kontratën e kam të gjatë. Dihet besimi i presidentit. Di të them se jam i fokusuar te Dinamo. Nëse vjen një ofertë, duhet të jetë diçka shumë e mirë, si për klubin, ashtu edhe për mua./News24
