Policia e Korçës ka vënë në pranga autorin e dyshuar, i cili hyri me forcë në një bankë të nivelit të dytë.
Përpara uniformave blu, 38-vjeçari Valter Xhelillari ka deklaruar që nuk mban mend asgjë çfarë ka ndodhur duke pretenduar se ishte në gjendje të dehur.
“Unë kam qenë në gjendje të dehur dhe nuk mbaj mend asgjë”, tha ai.
I riu shfaqej në kamerat e sigurisë, vetëm me një kapele, i pamaskuar dhe i pa armatosur, teksa shfaqej me telefon në dorë dhe dyshohet se ishte “live” në rrjetin social TikTok.
Nuk dihet se cili ka qenë qëllimi i tij, teksa Policia nuk bën me dije akuzën që është ngritur ndaj 38-vjeçarit.
