Policia e Vlorës ka dalë me një komunikatë të shkurtër për mediat, në lidhje me atentatin e regjistruar mbrëmjen e sotme ndaj 30-vjeçarit Kevin Hajrulla, i cili mbeti i plagosur.
Si në shumicën e atentateve të tjera, edhe sot, uniformat blu kanë bmledhur vetëm gëzhojat, si dhe kanë gjetur edhe automjetin e djegur të autorëve.
Policia raporton se gjatë krehjes së zonës në afërsi të fshatit Panaja, është gjetur duke u djegur makina e dyshuar e autorëve, e ppërfshirë nga flaka, teksa po punohet për shuarjen e zjarrit.
Ngjarja bëhet më e rëndë, pasi si pasojë e breshërisë së kallashnikovit, mbeti i plagosur edhe 37-vjeçari Armando Spahiu, i cili po shiste fruta-perime pranë vendit të ngjarjes.
Njoftimi i policisë
Mbrëmjen e sotme, rreth orës 21:30, në lagjen “24 Maji”, Vlorë, në rrethana ende të paqarta, është plagosur me armë zjarri shtetasi Kevin Hajrulla, rreth 30 vjeç, i cili udhëtonte me një automjet tip “Benz”. Si pasojë e të shtënave, është plagosur me armë zjarri edhe shtetasi Armando Spahiu, 35 vjeç, i cili ndodhej në afërsi në momentin e ngjarjes.
Të dy personat janë transportuar menjëherë në Spitalin Rajonal Vlorë dhe ndodhen nën kujdesin e mjekëve.
Gjatë krehjes së zonës në afërsi të fshatit Panaja, është bërë i mundur lokalizimi i automjetit të dyshuar të përdorur nga autorët, i cili është përfshirë nga flakët. Po punohet për shuarjen e zjarrit.
Shërbimet e Policisë kanë mbërritur menjëherë në vendngjarje dhe po punojnë intensivisht për identifikimin dhe kapjen e autorit/autorëve të dyshuar.
Grupi hetimor po vijon punën për zbardhjen e rrethanave të plota të ngjarjes.
Atentat ndaj Kevin Hajrullës në Vlorë, plagoset dhe një kalimtar/ Autorët djegin makinën
