Prokuroria e Beratit ka dalë me një komunikatë për mediat në lidhje me arrestimin e shtetasit R. O., 60 vjeç, i cili akuzohet për ngacmim seksual ndaj një të mituri 15-vjeçar.
Më 25 Nëntor, ndaj 60-vjeçarit ishte caktuar masa e sigurisë “detyrim paraqitje”, por pas daljes së akt-eskpertizës mjeko-ligjore, Gjykata e Beratit ka vendosur t’i caktojë masën “Arrest me burg”.
Sipas organit të akuzës, shtetasi i mitur A.Gj., ka bërë kallëzim penal se 60-vjeçari e ka kapur nga dora dhe e ka çjerrë, por pasi është afruar babai i tij, shtetasi O.S. më pas e ka lënë të lirë.
Sshtetasi K.Gj, babai i të miturit, deklaroi se e ka telefonuar djali dhe i ka thënë po më ndjek një burrë dhe ai menjëherë ka dalë nga banesa dhe ka ikur në drejtim të djalit.
“Nga ana e organit procedues u bë këqyrja e pamjeve filmike nga ku rezultoi se shtetasi A.Gj kthen kokën pas për të parë kush e ndjek dhe më pas shfaqet personi i identifikuar si shtetasi R.O., i cili e ndjek nga pas.” – thuhet në njoftimin e Prokurorisë së Beratit.
Raportohet se nga Akti i Ekspertimit Mjekoligjor ka rezultuar se i mituri ka dëmtime të shkaktuara me mjet të fortë mprehtës.
60-vjeçari me inicialet O.S. ka qenë më herët i dënuar për të njëjtën vepër penale, “ngacmim seksual”, teksa tashmë Prokuroria kërkon që ai të dënohet sërish me jo më pak se 4 vite burgim.
Njoftimi i Prokurorisë Berat:
I dënuar më parë për ‘ngacmim seksual’, me kërkesë të Prokurorisë Berat arrestohet për të njëjtën vepër penale shtetasi S.O
Më kërkesë të Prokurorisë pranë Gjykatës së Shkallës Parë të Juridiksionit të Përgjithshëm Berat u arrestua shtetasin S.O. për veprën penale ‘Ngacmimi seksual” e parashikuar nga neni 108/a/2 i Kodit Penal.
Më 25.11.2024, shtetasi i mitur A.Gj., ka bërë kallëzim penal ndaj këtij personi, duke e denoncuar se e ka kapur dhe çjerrë nga dora, por më pas i është afruar babai dhe e ka larguar prej tij.
Në kuadër të hetimeve të procedimit penal nr.712/2024 ndaj këtij shtetasi për ngacmim seksual ndaj një të mituri, u krye Akti i Ekspertimit Mjekoligjor nga ku rezultoi se i mituri ka dëmtime të shkaktuara me mjet të fortë mbrehtës. I pyetur në cilësinë e personit që ka dijeni për veprën penale shtetasi K.Gj, babai i të miturit, deklaroi se e ka telefonuar djali dhe i ka thënë po më ndjek një burrë dhe ai menjëherë ka dalë nga banesa dhe ka ikur në drejtim të djalit.
Nga ana e organit procedues u bë këqyrja e pamjeve filmike nga ku rezultoi se shtetasi A.Gj kthen kokën pas për të parë kush e ndjek dhe më pas shfaqet personi i identifikuar si shtetasi R.O., i cili e ndjek nga pas.
Nga analiza e provave shkresore të administruara, rezultoi se ka dyshime të arsyeshme bazuar në prova se shtetasi R.O. ka kryer veprën penale të “Ngacmimi seksual” parashikuar nga neni 108/a/2 i Kodit Penal.
Në këto kushte, prokuroria vlerësoi se duhet të procedohet me ndalimin e menjëhershëm të shtetasit R.O, pasi ekziston rreziku që ky shtetas të largohet dhe t’i shmanget hetimit.
Gjithashtu, kjo masë synon edhe parandalimin e ngjarjeve më të rënda si dhe garanton interesin më lartë të fëmijës së mitur. Prokuroria kërkon që masa e dënimit të jetë jo më pakë se katër vjet në maksimum, pasi vepra në rastin konkret dënohet në maksimumin e saj me 7 (shtatë) vjet burgim.
