Gjykata e Sarandës ka caktuar masat e sigurisë “Arrest me burg” për 11 personat e arrestuar dy ditë më parë, në kuadër të operacionit policor të koduar “Rrjeti”.
Bëhet fjalë për shtetasit: Mili Hamzaj, dhe Evinio Hamzaj, (vëllezër), Fatjon Abazi, dhe Osmën Abazi, (vëllezër), Xhuljan Meçani dhe Stelio Meçani, (vëllezër), Eduart Taka, Juxhin Isufi, Drago Qëndro, Enver Haxhi dhe Mina Dedi.
Ata akuzohen për shpërndarje të lëndëve narkotike në Sarandë dhe në Delvinë, teksa mbi ta rëndon akuza për veprën penale “Prodhim dhe shitje të lëndëve narkotike”.
Seanca gjyqësore ka zgjatur rreth 4 orë, teksa në fund, gjyqtari Mikel Hysometaj pranoi kërkesën e prokurorëve Kledian Llaho dhe Esmeranda Basho për t’i lënë në qeli të arrestuarit.
Hetimi për këtë grup vijonte prej disa muajsh nga Prokuroria e Sarandës, teksa në kërkim është shpallur dhe shtetasi Panajot Bala nga Delvina, 49 vjeç.
Kujtojmë se gjatë operacionit, uniformat blu sekuestruan në cilësinë e provës materiale:
111 doza kokainë
1 dozë marihuanë
40 mijë euro
2,980 dollarë
19 milionë e 400 mijë lekë të vjetra
260 paund
18 celularë
1 tablet
2 peshore elektronike
2 shkopinj metalikë
2 radio si ato të policisë
4 makina dhe 2 motorë.
