Shërbimi i Sigurisë së Ukrainës (SBU) njoftoi se ka shkatërruar rrjetin më të madh të spiunëve rusë që vepronte në pesë rajone të vendit, përfshirë Zaporizhja, Harkiv, Sumi, Mikolaiv dhe Odesa.
Rrjeti, i përbërë nga 12 agjentë dhe informatorë, përfshinte ish-ushtarë ukrainas të rekrutuar nga inteligjenca ruse (GRU).
Ata kishin për detyrë të mblidhnin të dhëna për vendndodhjet e sistemeve të mbrojtjes ajrore, avionëve F-16 dhe kompanive që prodhojnë sisteme të luftës elektronike kundër dronëve rusë.
SBU ka ngritur aktakuza për tradhti ndaj anëtarëve kryesorë të rrjetit, të cilët rrezikojnë deri në 8 vite burg nëse shpallen fajtorë. Avionët F-16, të furnizuar nga Perëndimi, mbeten një shqetësim i madh strategjik për Rusinë në konfliktin që po vazhdon prej gati tre vjetësh.
