Një person ka mbetur i plagosur në një aksident të shënuar pasditen e së mërkurës në Lezhë.
Policia tha se aksidenti ndodhi në rrugën “Vëllezërit Qoku”, ku shtetasi A. L., 19 vjeç, me automjetin që drejtonte, ka përplasur këmbësorin, shtetasin F. P., 68 vjeç, i cili është transportuar në spitalin rajonal të Lezhës, ku aktualisht është jashtë rrezikut për jetën.
19-vjeçari është shoqëruar në Komisariat dhe me të po kryhen veprimet e mëtejshme procedurale.
Ndërkaq, grupi hetimor po punon për përcaktimin e shkakut të aksidentit.
