Një ngjarje e rëndë është zbuluar ditën e sotme në Durrës.
Vrasja e Branko Shkoza e ndodhur javën e parë të dhjetorit në Durrës është zbardhur pas disa ditësh.
Pas hetimeve nën drejtimin Prokurorisë, në kuadër të operacionit policor të koduar “Kontakti”, policia identifikoi, kapi dhe arrestoi autorin e vrasjes së 33-vjeçarit, Majlind Habibi.
Majlind Habibi dyshohet se e ka shtyrë me qëllim 33-vjeçarin drejt kanalit. Gjithashtu janë publikuar pamje nga momenti i shoqërimit të tij në polici.
Viktima ishte zhdukur që me datë 2 dhjetor ndërsa familjarët kanë denoncuar rastin dy ditë më vonë me datë 4 dhjetor. Autori e ka fshehur krimin ndërsa 8 ditë pas ngjarjes është vënë në pranga. Policia më tej bën me dije se një ditë pas denoncimit nga familjarët është gjetur trupi i pajetë i të riut.
