Edoardo Boves do t’i implantohet nesër një defibrilator nënlëkuror pas problematikës së ndodhur më 1 dhjetor gjatë ndeshjes Fiorentina-Inter. Ndërhyrja do të kryhet në repartin e Kujdesit Intensiv Kardiologjik (UTIC) të spitalit Careggi, ku mesfushori 22-vjeçar i Fiorentinës është i shtruar që nga e mërkura e kaluar.
Sipas protokollit shëndetësor, që futbollisti i Fiorentinës të dalë nga spitali është e nevojshme vendosja e defibrilatorit, pas rezultoi me një problem të natyrës kardiake.
Sipas burimeve pranë Fiorentinës, lajmi i rëndësishëm është se defibrilatori është i heqshëm. Kjo do të thotë që lojtari, pasi të përfundojnë të gjitha kontrollet dhe të mblidhen rezultatet, mund të vendosë ta heqë atë në mënyrë të pavarur.
Bove pritet të lërë spitalin mes të enjtes dhe të shtunës së ardhshme.
