Bayern mendon për të ardhmen. Sipas mediave gjermane, klubi më i madh i Bundesligës është vënë në ndjekje të talentit Tom Bischof nga Hoffenheim.
Mesfushori është 19 vjeç dhe konsiderohet lojtar premtues në futbollin gjerman. Kontrata e tij aktuale me Hoffenheim përfundon në mbyllje të këtij sezoni, kështu që në verë mund të trasferohet me parametra zero.
Ndërkohë, Bayern heq dorë nga një tjetër emër premtues. Sipas të gjitha gjasave, lojtari tjetër i talentuar që Bayern ka ndjekur së fundmi, Henrique Carmo nga Sao Paulo, është zbehur si pistë.
Duke qenë se kontrata e tij aktuale skadon në verë 2025, klubi brazilian duket se e ka bindur që të firmosë një kontratë të re. Kjo bën që largimi i tij të shtyhet për më vonë.
