Fatjon Bici, 15-vjeç u vra më 16 maj të këtij viti në Gramsh, pranë shkollës “Asllan Shahini”. Ngjarja e rëndë ndodhi pas një sherri mes të rinjve nga ku nisi me ofendime.
Ka qenë Marko Lici, kushëriri i Bicit ai që ishte konfliktuar me tre persona të tjerë e më pas, mes tyre ndërhyri dhe Bici, por një prej tyre e qëlloi me thikë atë dhe kushëririn e tij.
Lici mbeti gjithashtu i plagosur ndërsa tre të tjerët janë shoqëruan në polici.
Në një intervistë për Euronews Albania, Marko Lici shpjegon me detaje sesi ndodhi ngjarja.
“Ishim te shkolla si çdo herë me kushëririn tim. Shkonim dhe vinim për shpi bashkë dhe një ditë Qetsor Hysa na thirri për sherr. S’doja që të shkoja, unë po lozja top dhe vjen një çun i vogël dhe më njofton që ke kushëririn atje. Unë e lash lojën, shkova atje. Pyeta se çfarë ka ndodhur. Ishte dhe një çun tjetër që ishte ulur në një stol me matanesh dhe e pyeta për çfarë ke ardhur. Më tha se do takonte kushëririn tim. E pyeta nëse ke ardhur për sherr, jo më tha. Kushëririt i thashë hajde se do ikim në shtëpi, më tha prit dhe pak. Ndejtëm dhe pak, ndërkohë erdhën dhe tre shokë të tjerë të çunit që ishte vetëm. Pastaj filluan me ofendime, nxorën thika dhe doreza. Ne s’kishim asgjë me vete sepse nuk ishim nsiur për sherr. Ofenduan kushëririn dhe ai gjuajti me thikë. Ne nuk kishim konflikte të mëparshme me kushëririn, i thoshim mos të zihej. Sot kërkoj të drejtën time, mos të dal në rrugë dhe të tjerët të më hedhin llafe. Dua të jem i qetë me familjen time siç kam qenë gjithmonë. S’dua të dal në rrugë të më thonë: Ky e la kushëririn në baltë”, tha Marko Lici, kushëriri i Fatjon Bicit.
