Koordinatori për Programin Ekonomik në PD, Dorjan Teliti, ka reaguar pas miratimit nga ana e mazhorancës qeverisëse të projektbuxhetit 2025.
Teliti thekson se, dje me kokat poshtë e me kartolat lart u konsumua tradhtia e rradhës ndaj shqiptarëve të shpopulluar e varfëruar në 11 vitet e fundit.
Teliti shprehet në një postim në Facebook se, ditën e djeshme, humbën shqiptarët dhe fitoi oligarkia e koncesioneve dhe tenderave pa garë.
Postimi i plotë:
Me kokat poshtë dhe kartonat lart, në shenjë të plotë besnikëria ndaj oligarkisë, miqve, oborrtarëve, u konsumua “tradhtia” e rradhës ndaj shqiptarëve.
Dje humbën përsëri pensionistët, thërrimet e indeksimit për ta, asgjë më shumë.
Dje humbën përsëri familjet në nevojë dhe aftësi të kufizuar, zero lekë shtesë për ta.
Dje humbi përsëri arsimi i dy turneve, shëndetësia e ilaceve të munguara, fermeri i produkteve të hedhura në kanal.
Dje humbi përsëri sipërmarrja shqiptare e taksave vrastare më të larta në rajon.
Shumë të humbur, ama kishte edhe pak të fituar.
Fitoi oligarkia e koncesioneve dhe tenderave pa garë,
Fitoi luksi, fitoi shpërdorimi i parave të shqiptarëve, fitoi qeveria me oborrtarët e saj.
