Kryetarja e Bashkisë së Roskovecit, Majlinda Bufi është një ndër kryebashkiakët më të akuzuar të Edi Ramës, si për korrupsion por edhe për krime zgjedhore, por edhe pse prej muajsh ajo është nën hetim nga SPAK, deri më tani, drejtësia nuk ka vepruar ndaj saj.
Por, jo vetëm kaq, Bufi i Roskovecit urdhëron njerëzit e saj të dnunojnë edhe gazetarët, kur këta të fundit tentojnë të kryejnë detyrën e tyre. Dhe këtë gjë e ka bërë edhe së fundmi.
Siç shihet edhe në videon e mëposhtme, një person i cili nuk dihet se çfarë përfaqëson, dhunon gazetaren e emisionit “Piranja”, Lorena Resulaj, vetëm për shkak se kryebashkiakes së Roskovecit iu ekspozua jeta e luksit. Në pamje shihet personi i cili e merr dhunshëm gazetaren për ta larguar nga Majlinda Bufi, e cila ndodhej pranë mjetit të saj.
Në video shihet se kjo nuk është hera e parë që njerëzit e Majlinda Bufit dhunojnë gazetarët e emisionit “Piranja”, pasi më herët kanlë ushtruar dhunë ndaj gazetareve Matilda Prendi dhe Ledjona Xheladinaj.
Deri më tani nuk ka patur një komunikatlë nga ana e autoriteve për nisjen e një hetimi ndaj personit që dhunon gazetaren e “Piranjave” për “interes” të Majlinda Bufit.
