Ditën e sotme UEFA ka njoftuar se kanë nisur proceduar për Rumaninë dhe Kosovën, për sfidën që u ndërpre në stadiumin e Bukureshtit.
Sipas “Shtëpisë së Futbollit Europian”, janë hapur procedura disiplinore pas incidenteve të ndeshjes Rumani-Kosovë.
Kujtojmë që në minutat shtesë të ndeshjes, kapiteni i “Dardanëve”, Amir Rrahmani së bashku me lojtarët e tjerë u larguan nga fusha e lojës për shkak të koreve raciste nga tifozët rumunë, të cilët thërrisnin “Serbi Serbi dhe Kosova është Serbi”.
Pikërisht për këtë ngjarje, UEFA ka hapur një hetim për të gjykuar me detaje shkaqet.
“Procedura disiplinore është nisur kundër Federatës Rumune të Futbollit dhe Federatës së Futbollit të Kosovës në përputhje me nenin 55 të Rregullores Disiplinore të UEFA-s pas ndeshjes së Ligës së Kombeve të UEFA-s ndërmjet Rumanisë dhe Kosovës të luajtur më 15 nëntor 2024 në Bukuresht, Rumani”, thuhet në njoftimin zyrtar të UEFA-s.
Gjithashtu, në njoftimin e UEFA-s thuhet se së shpejti do të kenë në dispozicion informacione që do t’i ndihmojnë gjatë hetimeve.
