Kombëtarja do të luajë sonte ndeshjen e fundit në Nations League.
Kuqezinjtë në mbrëmje duke nisur që nga ora 20:45 do të presin në “Air Albania” skuadrën e Ukrainës për të bërë mes tyre llogaritë e kësaj sfide.
Kjo ndeshje është cilësuar si një “finale”, pasi nga rezultati i këtij takimi vendoset edhe fati i kuqezinjve në grupin B1.
Fitorja është mëse e detyrueshme për të shpresuar deri në fund te vendi i parë në grup, ndërsa humbja do t’i rrëzonte një ligë më poshtë.
NdërkohëkKatër futbollistë që kanë qenë në grumbullim me Kombëtaren nuk do munden të jenë në fushë, pasi Sylvinho i ka dërguar në tribunë. Simon Simoni, Ardian Bajrami, Feta Fetai dhe Andi Hadroj nuk do jenë të gatshëm sot.
