Një ngjarje e rëndë ka ndodhur ditën e sotme në lagjen “15 Nentori” në qytetin e Fierit, ku persona të panjohur i kanë vendosur flakën shtëpis së një biznesmeni.
Nga të dhënat paraprake mësohet se në shtëpi kanë qenë vetëm fëmijët të cilët pasi kanë parë flakët kanë zbritur nga ballkoni në shtëpin e fqinjit.
Në derën kryesore të biznesmenit Saliaj mësohet se ishin hedhur 5 litra benzinë dhe më pas i është vënë flaka.
Paraprakisht mësohet se ky shtetas ka kontradikta në lidhje me një supermarket dhe me një truall. Policia po punon për identifikimin e autorëve të ngjarjes, ndërsa Saliaj do të merret në pyetje për konfliktet.
Për sa i përket çështjes së supermarketit, Saliaj e ka pasur atë në bashkëpronësi me një person tjetër dhe pas falimentimin, kanë lindur kontradiktat midis dy ortakëve. Të dy kanë pretendime ndaj njëri-tjetrit për një shumë të madhe lekësh prej rreth 150 milionë lekë të vjetra.
